តោះមកដឹង! ទេវតាឆ្នាំនេះព្រះនាមអ្វី សោយអ្វីជាអាហារ ហើយចូលម៉ោងប៉ុន្មាន?

2021-03-31 20:57:00
ចំនួនមតិ 0 | ចំនួនចែករំលែក 0

ជារៀងរាល់ឆ្នាំ ពិធីបុណ្យចូលឆ្នាំប្រពៃណីជាតិគឺជាបុណ្យដ៏ធំមួយមិនថាតែនៅកម្ពុជានោះទេ រីឯប្រទេសជិតខាងមួយចំនួនទៀត ក៏តែងប្រារព្ធនូវពិធីបុណ្យចូលឆ្នាំថ្មីនេះ ទៅតាមបែបបទ លាយនឹងជំនឿផ្សេងៗគ្នា។

យោងតាមការដកស្រង់ពីផេក ទេវធីតាសង្រ្កាន្ត ឲ្យដឹងថា ក្នុងឆ្នាំនេះ ទេព្តាឆ្នាំថ្មី ឆ្នាំឆ្លូវ ព្រះនាមមណ្ឌាទេវី ជាបុត្រីទី៤ នៃកបិលមហាព្រហ្ម ទ្រង់សោយ "សប្បិ" ប្រែថាទឹកដោះថ្លា ជាក្រយោស្ងោយ។ សម្រាប់ថ្ងៃមហាសង្ក្រាន្តនឹងប្រារព្ធធ្វើនៅថ្ងៃពុធ ៣កើត ខែពិសាខ ឆ្នាំឆ្លូវ ដែលត្រូវនឹងថ្ងៃទី១៤ ខែមេសា គ្រិស្តសករាជ ២០២១ វេលាម៉ោង ៤:០០នាទីទៀបភ្លឺ។

ទោះជាឆ្នាំនេះ កម្ពុជាកំពុងរងវិបត្តិដោយសារកូវីដក៏ដោយ តែពិធីបុណ្យចូលឆ្នាំខ្មែរនៅប្រារព្ធធម្មតា ដោយប្រជាពលរដ្ឋគួររៀបចំពិធីសប្បាយរីករាយជួបជុំក្នុងផ្ទះរៀងៗខ្លួនប៉ុណ្ណោះ។