ការជ្រើសរើសអាហារសម្រាប់កូនជាទីស្រលាញ់ជារឿងមួយដែលសំខាន់សម្រាប់សុខភាពក្មេង។ ម៉ាក់ៗទាំងឡាយមិនអាចនិយាយពាក្យថាខ្ជិលចម្អិន ឬខ្ជិលធ្វើអាហារសម្រាប់កូនទទួលទាននោះទេ អាហារផ្អាប់ អាហារចៀន និងអាហារកែច្នៃមួយចំនួន គឺប៉ះពាល់ដល់សុខភាពណាស់។

១.មីកញ្ចប់

មីកញ្ចប់មានជាតិខ្លាញ់ អំបិល និងសារជាតិថែរក្សា ច្រើនពេកមិនល្អចំពោះសុខភាពកុមារ។ ការញ៉ាំមីកញ្ចប់នៅពេលល្ងាច នឹងធ្វើឱ្យកុមារពិបាករំលាយអាហារ ហើយក្នុងពេលតែមួយស្រូបយកសារធាតុដែលមិនចាំបាច់ជាច្រើនសម្រាប់រាងកាយ ងាយនឹងឈឺ។

២.អាហារចៀន

អាហារចៀន គឺមានខ្លាញ់ច្រើនបើអ្នកម្តាយអនុញ្ញាតឱ្យកូនៗ ញ៉ាំដំឡូងបារាំងបំពង មាន់ចៀន ឬអាហារដែលមានជាតិខ្លាញ់ នឹងធ្វើឲ្យរាងកាយផ្ទុកខ្លាញ់លើស ពេលគេងមួយយប់ពី ៩៥% ដែលអាចបន្ថែមភាពធាត់លើកូនៗ។ លើសពីនេះទៅទៀត នៅពេលដែលក្មេងៗញ៉ាំអាហារចៀនច្រើន ពួកគេងាយនឹងកើតជំងឺសរសៃឈាមបេះដូងជំងឺលើសឈាម និងជំងឺជាច្រើនទៀត។

៣.ភេសជ្ជៈមានជាតិកាបូន

នៅក្នុងភេសជ្ជៈមានជាតិកាបូនមានសមាសធាតុអាស៊ីតច្រើនជាងអ្វីទាំងអស់មិនដូចរបស់ធម្មជាតិ។ ដូច្នេះវាងាយស្រួលបង្កឱ្យមានផលប៉ះពាល់ចំពោះក្រពះកុមារ។ ប្រសិនបើម្តាយផ្តល់ឱ្យទារកនូវភេសជ្ជៈដែលមានជាតិកាបូន អាស៊ីតច្រើន នោះវាអាចធ្វើឱ្យខូចសន្ទះបេះដូងរបស់កុមារបង្កឱ្យធាត់ ជំងឺសរសៃឈាមបេះដូង លើសទម្ងន់ គ្រោះថ្នាក់ដល់សុខភាព។

៤.ទឹកដោះគោខាប់

ការផឹកទឹកដោះគោមុនពេលចូលគេងអាចជួយឱ្យកុមារឆាប់ងងុយដេក និងងាយលក់ស្រួលស្កប់ស្កល់ ប៉ុន្តែបញ្ហានៅទីនេះគឺទឹកដោះខាប់ ប្រសិនបើទទួលទាននៅពេលយប់ គឺងាយស្រួលធ្វើឱ្យរាងកាយរបស់កុមារប្រមូលផ្តុំជាតិខ្លាញ់លើស។ មុនពេលចូលគេងម្តាយគួរតែផ្តល់ឱ្យកូនរបស់ពួកគេនូវទឹកដោះគោជូរ ឬទឹកដោះគោស្រស់។

៥.ផ្លែក្រូច

ការផ្តល់ឱ្យកុមារនូវផ្លែក្រូចនឹងជួយពួកគេបន្ថែមវីតាមីនសេ និងសារធាតុរ៉ែសម្រាប់រាងកាយ។ ប៉ុន្តែវាមានកំហុសក្នុងកាទទួលទានមុនពេលចូលគេងដែលអ្នកម៉ាក់មិនគួរឲ្យកូនញាំ។ ដោយសារ ក្រូចមានជាតិអាស៊ីតខ្ពស់បរិភោគនៅពេលល្ងាច ធ្វើឱ្យប៉ះពាល់ដល់ក្រពះរបស់ពួកគេ។ ហេតុនេះអ្នកម្តាយត្រូវនៅឱ្យឆ្ងាយពីអាហារនេះនៅពេលចង់ផ្តល់អាហារសម្រន់ដល់កូន។ បរិមាណវីតាមីន C នៅក្នុងផ្លែក្រូចដែលប្រមូលផ្តុំ អាចបណ្តាលឱ្យកើតគ្រួសក្នុងតម្រងនោមសម្រាប់ក្មេងៗបាន៕