ប្រពន្ធខ្លាំងគ្មានថ្ងៃចង់ចាញ់ឈ្នះជាមួយជនទី៣ទេ មានតែធ្វើរឿងទាំងនេះវិញ

2021-10-09 05:54:00
ចំនួនមតិ 0 | ចំនួនចែករំលែក 0

នៅពេលអ្នកក្ដាប់ភស្តុតាងថាប្ដីរបស់ខ្លួនក្បត់ហើយនោះ អ្វីគ្រប់យ៉ាងក៏ជាគាំទ្រអ្នក ដូចនេះហើយ នៅពេលប្ដីមានស្រីខាងក្រៅ អ្នកមិនគួរវាយប្រហារជនទី៣នេះឡើយ ដោយគួរធ្វើរឿងទាំងនេះវិញ ទើបគេថាឆ្លាត។

១. ស្វែងយល់ពីជនទី៣

នេះគឺជាអ្វីដែលនារីឆ្លាតវៃនឹងធ្វើនៅពេលដឹងថាប្ដីខ្លួនមានស្រីខាងក្រៅមុនគេនោះ ស្វែងយល់ពីនារីនោះ។ ទោះបីជានៅពេលដឹងកាន់តែច្បាស់ អ្នកកាន់តែឈឺចិត្តក៏ដោយ តែនៅពេលដឹងច្បាស់ពីសត្រូវ នោះអត្រាដែលអ្នកឈ្នះគេគឺខ្ពស់ខ្លាំងណាស់។ ដូចពាក្យគេថា នៅពេលដឹងថាខ្មាំងខ្លាំង ឬខ្សោយ គឺអ្នកឈ្នះបាន៥០%ទៅហើយ។

២. រកភស្តុតាងប្ដីមានស្រីឲ្យឃើញ

មិនថានៅក្នុងសង្គម ឬនៅលើតុលាការ ប្រសិនបើអ្នកចង់ឈ្នះមនុស្សប្រុសដែលក្បត់អ្នក ទៅរកស្រីខាងក្រៅនោះ គឺអ្នកត្រូវតែរកភស្តុតាងឲ្យឃើញ៊។ ព្រោះបើគ្រាន់តែដឹងថាគេមានស្រី តែនិយាយតែមាត់នោះ គ្មានអ្នកណាជឿឡើយ។ ព្រោះប្រសិនបើ ឡើងតុលារចែកទ្រព្យសម្បត្តិ ក៏អ្នកត្រូវមានភស្តុតាងដែរ ទើបចៅក្រមសម្រេចឲ្យអ្នកឈ្នះ។ ហើយនៅក្នុងសង្គម ញាតិមិត្តជិតខាង ក៏គាំទ្រអ្នកដូចគ្នាដែរ ប្រសិនបើអ្នកអាចបង្ហាញឲ្យុឃើញថា គេក្បត់អ្នកទៅមានអ្នកថ្មី។

៣. ពិនិត្យលុយកាក់ រឹតបណ្ដឹងចាយវាយ

មានការពិតមួយដែលអ្នកទាំងអស់អាចដឹងហើយនោះគឺ មនុស្សប្រុសកាន់តែមានលុយ កាន់តែងាយមានស្រីខាងក្រៅ។ ព្រោះបើគ្មានលុយក្នុងដៃ មុខគេមិនមើលផង រកអីទៅមានស្រីខាងក្រៅ។ ដូចនេះហើយ មនុស្សស្រីនៅពេលដឹងថាប្ដីមានស្រីខាងក្រៅ គឺត្រូវតែត្រួតពិនិត្យថ្លៃចាយវាយភ្លាម។ កុំឲ្យប្ដីចាយវាយតាមសប្បាយឲ្យសោះ។ គណនីធនាគារអ្នកត្រួវតែកំណត់ ដោយមួយថ្ងៃបានចាយតែប៉ុណ្ណាបានហើយ។ កុំទុកដល់ពេលគេចាយលុយអស់ហើយ បែកគ្នាឲ្យសោះ ព្រោះដល់ពេលនោះ ក៏អ្នកគ្មានអ្វីនៅជាប់ខ្លួនដែរ។

៤. រកផ្លូវដកថយឲ្យហើយ

នៅពេលអ្នករៀបការ ប្រៀបដូចការលេងល្បែងមួយដៃដ៏ធំដែរ គឺមួយចានទឹកមួយចានគោក យើងមិនទាន់ដឹងថាឡើយថា អ្នកណាសំណាងឲ្យពិតប្រាកដ។ ដូចនេះហើយ ទោះបីជាស្រលាញ់យ៉ាងណាក៏ត្រូវរកផ្លូវថយសម្រាប់ខ្លួនឯងខ្លះផង កុំលះបង់ទាំងអស់ពេក ប្រយ័ត្នថ្ងៃណាមួយគេដើរចេញហើយ អ្នកនៅសល់តែសម្បកខ្លួន៕

ប្រភព៖ Phunutoday ប្រែសម្រួល៖ លឹម សុនា