ផ្លែឈើ៥ប្រភេទ ចាត់ទុកជាអង្គរក្សពិសេស ការពារកម្តៅ រក្សាសម្រស់ ស្រកគីឡូបានរហ័ស

2022-07-10 21:40:00
ចំនួនមតិ 0 | ចំនួនចែករំលែក 0

ផ្លែឈើទាំង៥ប្រភេទនេះ ត្រូវបានគេចាត់ទុកថាជាជំពូកផ្លែឈើល្អបំផុត ដែលជួយទាំងសម្រស់ សុខភាព រួមទាំងគ្រប់គ្រងគីឡូបានទៀតផង។

១. ផ្លែគីវី

សម្បូរវីតាមីនជួយចិញ្ចឹមស្បែក ឲ្យទន់រលោងមានពន្លឺ ការពារពីការបំផ្លាញនៃពន្លឺព្រះអាទិត្យ ស្នាមអុជខ្មៅ និងធ្វើឲ្យស្បែកស។ លើសពីនេះ គីវីក៏មានប្រសិទ្ធិភាពបញ្ចុះជាតិខ្លាញ់ ជួយដល់ការរំលាយអាហារ បន្សាបជាតិពុលតាមរយៈប្រព័ន្ធបញ្ចេញចោល។ យ៉ាងណាក្តី អំឡុងមករដូវ ឬពពោះ មិនគួរបរិភោគផ្លែគីវីឡើយ។

២. ក្រូច

សម្បូរដោយវីតាមីន C ផ្ទុកសារធាតុប្រឆាំងអុកស៊ីតកម្ម និងជាតិរ៉ែ បន្សាបជាតិពុល បង្កើនអរម៉ូនដល់ស្រ្តី ជួយឲ្យក្មេងជាងវ័យចេញពីខាងក្នុង ពន្យារភាពចាស់។ លើសពីនេះ ក្រូច ក៏ផ្ទុកកាកសសៃនិងជាតិទឹកដែលមានជាតិកាឡូរីទាប ដែលការពារមិនឲ្យឡើងគីឡូលឿន។

៣. ចេក

ក្នុងមួយថ្ងៃ អ្នកគួរហូបចេក ១-២ ផ្លែ ព្រោះជួយបណ្តេញជាតិពុលចេញពីរាងកាយ ។ មិនតែប៉ុណ្ណោះ ចេកលាយទឹកឃ្មុំក៏អាចធ្វើជាម៉ាសបិតមុខការពារស្បែកពីពន្លឺព្រះអាទិត្យបានដែរ។ កាកសសៃក្នុងផ្លែចេក ល្អសម្រាប់ពោះវៀន កាត់បន្ថយការទល់លាមក បន្សាបជាតិពុលក្នុងសួត ផ្ទុកមេជីវិតឈ្មោល និងទប់ស្កាត់កំណកឈាម។

៤. ត្រសក់

ជាប្រភេទផ្លែឈើសក្កិសមបំផុតក្នុងរដូវក្តៅ ផ្ទុកជាតិទឹកច្រើន ជួយគ្រប់គ្រងកូឡេស្តេរ៉ុល ជួយស្បែកស្អាត ផ្ទុកកាកសសៃ វីតាមីនE របស់ត្រសក់ជួយបំបាត់សន្លាក និងសារធាតុសុខភាពជាច្រើន ដែលរក្សាភាពក្មេងជាងវ័យបានយូរ។ លើសពីនេះ បើអ្នកចង់ស្រកគីឡូ គួរទទួលទានត្រសក់រាល់ថ្ងៃជាការល្អ។

៥. ផ្លែស្រការនាគ

ផ្លែឈើនេះសម្បូរដោយ Fiber និងកាឡូរីទាប ដែលល្អបំផុតសម្រាប់អ្នកចង់ស្រកគីឡូ។ លើសពីនេះ ស្រការនាគជួយសម្រួលការបត់ជើងធំ និងជួយចិញ្ចឹមស្បែកឲ្យភ្លឺថ្លា និងរាងកាយត្រជាក់៕

ប្រភព៖ Phunutoday ប្រែសម្រួល៖ លឹម សុនា

ពាក្យទាក់ទង

សម្រស់ តិចនិកថែរក្សាសម្រស់ Beauty and Fashion

ភ្ជាប់ទំនាក់ទំនងជាមួយ Kanha

អត្ថបទពេញនិយម

អត្ថបទថ្មី

របៀបបង្រៀនកូនៗរបស់អ្នកឲ្យមានភាពរឹងមាំខាងផ្លូវចិត្ត និងមានការតាំងចិត្តខ្ពស់

គយគន់ឈុតហូលផាមួងអាវប៉ាក់ស្អាតថ្លៃថ្នូរ បែបប្រពៃណីខ្មែរត្រៀមទៅវត្តជាមួយក្រុមគ្រួសារថ្ងៃចូលឆ្នាំ

សុខភាពមាត់ធ្មេញ ប៉ាម៉ាក់គួរស្វែងយល់បញ្ហាមាត់ធ្មេញសម្រាប់កុមារអាចប្រឈមមុខនឹងជំងឺអ្វីខ្លះ?

ប៉ាម៉ាក់គួរស្វែងយល់បញ្ហាមាត់ធ្មេញសម្រាប់កុមារអាចប្រឈមមុខនឹងជំងឺអ្វីខ្លះ?

ការពិតទាំង៧ដែលអ្នកអាចមិនដឹងពីស្នេហា

មកដឹងអត្ថន័យរបស់របាំត្រុដិដែលប្រជាជនខ្មែរមានជំនឿបណ្តេញឧបទ្រពចង្រៃនឹងសម្តែងនារដូវបុណ្យចូលឆ្នាំខ្មែរ

[Podcast]ប្រធានបទ៖ វិធីសាស្ត្រងាយៗជួយលួងខ្លួនឯងពេលកំពុងជួបវិបត្តិស្នេហា