ស្ត្រីមានផ្ទៃពោះមានលក្ខណៈ ៤យ៉ាងនេះច្រើនតែឆ្លងទន្លេងាយស្រួល និងបានឆាប់រហ័ស
- 2018-09-17 03:30:40
- ចំនួនមតិ 0 | ចំនួនចែករំលែក 0
ស្ត្រីមានផ្ទៃពោះមានលក្ខណៈ ៤យ៉ាងនេះច្រើនតែឆ្លងទន្លេងាយស្រួល និងបានឆាប់រហ័ស
ប្រជាជនខ្មែរប្រដូចការសម្រាលកូនដូចទៅនិងការឆ្លងទន្លេ ដោយសម័យមុនការឆ្លងទន្លេម្ដងៗគឺជារឿងដ៏ពិបាកនិងប្រថុយប្រថានខ្លាំងដើម្បីទៅដល់ត្រើយ។ ជាក់ស្ដែងការសម្រាលកូនគឺមានការឈឺចាប់ខ្លាំងរហូតសឹងទ្រាំមិនបាន និងអាចមានគ្រោះថ្នាក់កើតឡើងគ្រប់ពេលទៀតផង។ ប៉ុន្តែចំពោះស្ត្រីដែលមានលក្ខណៈ ៤ យ៉ាងនេះ គឺឆ្លងទន្លេបានលឿន ហើយមិនសូវឈឺចាប់ខ្លាំងឡើយ។
១. ស្ត្រីដែលមានត្រគាកធំ
ស្ត្រីដែលមានត្រគាកធំ គឺមានន័យថាឆ្អឹងអាងត្រគាករបស់នាងមានទំហំធំ ដែលជាទូរទៅងាយស្រួលពេលផ្ដល់កំណើត។ ពេលម្ដាយមានអាងត្រគាកធំ ធ្វើឲ្យក្បាលទារកងាយស្រួលធ្វើដំណើរឆ្លងកាត់ និងមិនធ្វើឲ្យមានការឈឺចាប់ខ្លាំង។
២. ម្ដាយមានវ័យសមស្រប
យោងតាមការស្រាវជ្រាវបានបង្ហាញឲ្យឃើញថា ស្ត្រីដែលមានវ័យចាប់ពី ២២ ដល់ ២៩ ឆ្នាំ គឺជាវ័យដែលល្អនិងសមស្របបំផុតក្នុងការផ្ដល់កំណើត។ ព្រោះក្នុងវ័យនេះសារពាង្គកាយរឹងមាំគ្រប់គ្រាន់ ដែលអាចជួយឲ្យដំណើរការនៃការពពោះនិងសម្រាល មានលក្ខណៈងាយស្រូល ហើយមិនមានការឈឺចាប់។
៣. ម្ដាយដែលមានទម្ងន់ស្តង់ដារ
ជាទូទៅស្ត្រីមានផ្ទៃពោះតែងឡើងទម្ងន់ជាងមុន ជារឿងធម្មតា។ តែមិនមែនឡើងហួសរហូតដល់លើសទម្ងន់ទេ។ យោងតាមការសិក្សាបង្ហាញថា ស្ត្រីមានគភ៌ដែលធាត់លើសទម្ងន់ ច្រើនពិបាកឆ្លងទន្លេជាងអ្នកដែលមានទម្ងន់ស្តង់ដារ។ មិនតែប៉ុណ្ណោះស្ត្រីដែលធាត់ខ្លាំង ប្រឈមនឹងជំងឺទឹកនោមផ្អែម និងបញ្ហាផ្សេងៗនៅពេលសម្រាល, សម្រាលចំណាយពេលយូរ និងរងការឈឺចាប់ខ្លាំង។
៤. ម្ដាយដែលត្រៀមខ្លួនរួចរាល់
ម្ដាយដែលត្រៀមខ្លួនរួចរាល់មានន័យថា ពួកគេបានយល់ដឹងច្រើនចំពោះការសម្រាល នឹងត្រៀមលក្ខណៈ ក៏ដូចជាសម្ភារៈដែលត្រូវការរួចរាល់។ ដោយសារតែបែបនេះហើយទើប នាងមិនពិបាកពេលសម្រាលទាំងផ្លូវចិត្តនិងកាយ៕
ចុចអាន៖៣ខែជិតសម្រាល អ្នកម្ដាយគួរដឹងរឿងដែលគួរ និងមិនគួរធ្វើ ទើបកូនកើតមកសុខភាពល្អ
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
